بە بۆنەی سەری ساڵی نوێوە، گرووپی ڤانۆ کۆبوونەوەیەکی ساڵانەی ئەنجامدا کە بەڕێوەبەرە باڵاکان و کۆمەڵێک کارمەندی لەخۆگرت. لە سەرەتای کۆبوونەوەکەدا، دکتۆر سەڵاح بەکر وتارێکی پێشکەش کرد دەربارەی مێژووی کۆمپانیاکە و سوپاسی کارمەندانی کرد بۆ ئەو هەوڵ و پابەندبوونەی کە نیشانیاندا بۆ سەرکەوتنی کۆمپانیاکە لە ماوەی ساڵانی پێشوودا.
کۆبوونەوەکە وتارێکی بەڕێز کاروان ساڵح، بەڕێوەبەری گشتی، لەخۆگرت، کە تێیدا جەختی لەسەر پێویستی بەردەوامبوونی کارکردنی جدی کردەوە بۆ خزمەتکردنی کەرتی پەلەوەر لە عێراقدا، و ڕایگەیاند کە ناوی کۆمپانیاکە لەسەر ئاستی عێراق و ناوچەکە ناسراوە و ڕۆڵی لە ئاسایشی خۆراکدا هەیە.
پاشان، بەڕێوەبەرەکان وتاری سوپاس و پێزانینیان پێشکەش کرد بۆ ئەو ئاسانکارییانەی کە لەلایەن کۆمپانیاکەوە بۆ سەرکەوتنی کارەکانیان و گەشەپێدانی تواناکانیان دابین کراوە.
لە کۆتایی کۆبوونەوەکەدا، وانەوتارێک و وۆرک شۆپێک پێشکەش کران. کۆبوونەوەکە بە گرتنی وێنەیەکی بەکۆمەڵ و بانگهێشتکردنی ئامادەبووان بۆ نانی نیوەڕۆ کۆتایی هات.
